Ný reglugerð um skólastarf

24. febrúar, 2021

Ný reglugerð um skólastarf

Eins og flestir vita þá hefur ný reglugerð um sóttvarnir í samfélaginu okkar litið dagsins ljós.

Varðandi aðgengi foreldra/forráðamanna að skólanum þá viljum við biðja ykkur um að koma ekki inn í skólann nema vera boðuð á fund. Ef erindið er brýnt þá þarf að koma fyrst við á skrifstofu skólans og alls ekki fara beint inn í stofur.

Hér má svo sjá þá hluta, sem snúa að grunnskólum:

Grunnskólum er heimilt, samkvæmt nánari ákvörðun sveitarfélaga, að halda uppi skólastarfi í skólabyggingum með 1 metra nálægðartakmörkum milli starfsfólks. Sé það ekki unnt ber að nota andlitsgrímur.
Ekki skulu vera fleiri en 50 starfsmenn í hverju rými. Þetta á einnig við um frístundaheimili, skipulagt æskulýðs- og tómstundastarf, sem og starfsemi í félagsmiðstöðvum.
Nemendur eru undanþegnir nálægðartakmörkunum og grímuskyldu. Ekki skulu vera fleiri en 150 nemendur í hverju rými innan dyra.
Foreldrar, aðstandendur og aðrir utanaðkomandi skulu sýna aðgát þegar þeir koma inn í skólabyggingu og gæta að sóttvörnum. Þeir skulu gæta að minnst 1 metra nálægðartakmörkun jafnt milli sín og gagnvart starfsfólki.
Viðburðir tengdir starfi eða félagslífi grunnskóla, svo sem fyrirlestrar, upplestrarkeppnis o.fl. eru heimilir í skólabyggingum með áðurnefndum fjölda- og nálægðartakmörkunum.
Fari hámarksfjöldi fullorðinna yfir 50 gilda reglur um samkomutakmarkanir samkvæmt reglugerð um takmörkun á samkomum.