Kæru foreldrar/forráðamenn.
Nú hefur ný reglugerð um sóttvarnarráðstafanir verið gefin út af stjórnvöldum og einhverja breytingar gerðar.
En hvað skólastarf í 1.-7. bekk varðar, þá eru engar breytingar.
Það verða því engar breytingar á á núverandi skipulagi í Engjaskóla.

Nemendur þurfa áfram að koma með nesti því það verður hvorki ávaxtastund né hafragrautur í boði.
Nemendur í 1.-4. bekk fá hádegismat í skólanum en 5.-7. bekkur borðar heima.

Skipulag í Engjaskóla til 31. desember verður með þessum hætti:

1.-4. bekkur 8:30-13:40 (Stuðningsfulltrúar og skólaliðar verða komnir við innganga kl. 8:00 hjá yngstu nemendunum þar til stuðningsfulltrúar taka á móti þeim í stofum kl. 8:15 – 8:20)

5.-7. bekkur 8:30-12:10 (Lengri skóladagur hjá 6. bekk á fimmtudögum því þau fara í sund eftir hádegi,)

 Helstu breytingar sem gerðar voru fyrr í desember:

• Nemendur fara í sund á fimmtudögum
• Nemendur í 5.-7. bekk þurfa ekki að vera með andlitsgrímur.
• Nemendur mega blandast í frímínútum. Skólalóðin er ekki í sóttvarnarhólfum. Nemendur á yngsta- og miðstigi eru ekki saman í frímínútum.
• íþróttir verða í íþróttasal skólans . Íþróttakennarar munu senda póst með frekari upplýsingum.
• Ekki grímuskylda í skólabílnum né sundrútu.
• Foreldrar og aðstandendur skulu almennt ekki koma inn í skólabyggingar án sérstaks leyfis.

Kær kveðja,
Álfheiður Einarsdóttir
skólastjóri Engjaskóla