Vættaskóla nemendur stóðu sig mjög vel á ÍRB sundmótinu sem fór fram 12. - 13. maí í Vatnaveröldinni í Reykjanesbæ.

Kristján Gylfi Þórisson fékk þrenn gullverðlaun og þrenn bronsverðlaun.

Steingerður Hauksdóttir fékk tvenn bronsverðlaun og var þrisvar sinnum í fjórða sæti.

Arey R. Guðnadóttir fékk ein bronsverðlaun og var fjórum sinnum í fjórða sæti.

Hekla Jóhannesdóttir og Emil Steinar Björnsson bættu árangur sinn.

Thelma Björg Björnsdóttir setti 4 Íslandsmet og bætti sig t.d. um 23 sekúndur í 400 m skriðsundi sem er mjög gott og var alveg við lágmarkið fyrir Ólympímót fatlaðra sem fer fram í London í ágúst 2012. Einnig má geta þess að á dögunum var Thelma útnefnd Íþróttamaður ÍFR fyrir árið 2011.

Okkur langar að minna alla á að nota ávísunina sem þeir fengu senda heim fyrir nokkrum dögum.

100 krónur af hverri nýttri ávísun rennur til skólasafnasjóðs og styrkir þ.a.l. skólabókasöfnin okkar í Vættaskóla.

Þú færð afslátt af skemmtilegu lesefni og bætir um leið lestrarkost barnanna okkar – getur varla verið betra!

Ávísunin gildir til 14. maí svo enn er nægur tími. Munið að skrifa nafn skólans á bakhlið ávísunarinnar.

Kristín Lára, bókasafnsfræðingurinn okkar hér í Engi fór og sótti ávísun að upphæð 25.000 kr fyrir hvort hús, samtals 50.000 kr í hádeginu í dag. Hún hefur nú þegar keypt inn nýjar bækur á bókasöfnin í Engi og Borgum fyrir þessa upphæð. Vonandi kemur önnur eins upphæð þegar átakinu lýkur.

Hér má lesa nánar um þetta verkefni og skoða fréttatilkynninguna.

Arion banki styrkir verkefnið "Ávísun á lestur"

Á barnamenningarhátíðinni fór 7.-Á í tónvísindasmiðjuna Biophiliu en það er verkefni sem runnið er undan rifjum Bjarkar Guðmundsdóttur. Þar fengu nemendur skjátölvur í hendurnar með tónlist Bjarkar en nýttu hana til þess að búa til sína eigin tónlist. Um leið fóru nemendur í gegnum þá vinnu sem fram fer við að semja tónlist allt frá innblæstri til hugmyndar til fullgerðs lags. Að lokum voru þrír hópar valdir til þess að flytja sitt tónverk. Nemendur skemmtu sér hið mesta.

Fleiri myndir í myndasafni.